Samarqand tuman texnikumida O‘zbekiston Respublikasi Konstitutsiyasi bayrami munosabati bilan o‘quvchi-yoshlar o‘rtasida shaxmat va shashka musobaqasi tashkil etildi.
Intellektual sport turlari yoshlarni vaziyatni tahlil qilish, puxta qaror qabul qilish va raqibga hurmat bilan munosabatda bo‘lishga undaydi. Musobaqa o‘quvchilarga ushbu ko‘nikmalarini amalda sinab ko‘rish imkonini berdi.
Bayramga bag‘ishlangan bellashuv o‘quvchilarning bo‘sh vaqtini mazmunli tashkil etish hamda sportga qiziqishini qo‘llab-quvvatlashga xizmat qildi.