Samarqand tuman texnikumida yoshlarni harbiy-vatanparvarlik ruhida tarbiyalash, ularda Vatanga sadoqat, burch va mas’uliyat tuyg‘ularini mustahkamlash maqsadida “Harbiy xizmatchining bir kuni” nomli ma’naviy-ma’rifiy sayohat tashkil etildi.
Sayohatda texnikumning harbiy tayyorgarlik rahbari, jismoniy tarbiya rahbari hamda bir guruh o‘quvchilar faol ishtirok etdi. Sayohat davomida o‘quvchilar Samarqand shahridagi harbiy qism hayoti, harbiy xizmatchilarning kundalik xizmat tartibi, intizomi va mashg‘ulot jarayonlari bilan yaqindan tanishdilar.
Harbiy mutaxassislar o‘quvchilarga harbiy texnikalar, jumladan og‘ir jangovar texnikalar va ularning imkoniyatlari haqida batafsil tushuntirish berdilar. Shuningdek, o‘quvchilar ochiq maydondagi jismoniy tayyorgarlik mashg‘ulotlari o‘tkaziladigan sport inshootlari va harbiy xizmatchilarning jismoniy chiniqish jarayoni bilan tanishtirildi.
